Kumusta aming panauhin? Salamat sa pagbisita, malalaman natin ngayon ang tungkol sa Pang-uri.
Ang PANG-URI ay salitang naglalarawan sa katangian o bilang ng pangngalan at panghalip.
May apat na uri ng panguri.
1.PANLARAWAN-nagsasabi tungkol sa hitsura ,laki,lasa,amoy,hugis at iba pang katangian ng pangngalan at panghalip.
Halimbawa: Ang mababait na kapitbahay ay tumutulong sa magkakapatid.
2.PAMILANG-nagsasabi ng dami o bilang ng pangngalan at pang-halip.
May  anim na pamilang.
1. Patakaran/Kardinal – bilang sero hanggang trilion hal. isa ,dalawa, tatlo
2. Patakda/tiyak na bilang – inuulit ang unang pantig ng salitang bilang.
hal. iisa,tatatlo,dadalawa,aapat
3. Pahalaga – pera ang tinutukoy
hal. mamiso,mamiseta,piso
4. Pamahagi – paghahati-hati o pagbabahagi
hal. 1/4 – sangkapat,3/4 – tatlong kapat,8/10 – walong kasampu
5. Panunuran/Ordinal – pagkakasunod-sunod ng mga bilang
HAL. una,ikalwa,ikatlo / pangalawa,pampito,pangwalo
6.Palansak – grupo o maramihan;inuulit ang unang salita o nilalagyan ng panlapinh han/an.
hal. tatlu-tatlo , pitu-pito / waluhan,limahan
3.PANTANGI- may anyong pangngalang pantangi na naglalarawan sa isang pangngalan.
Halimbawa: Ang bus ay biyaheng Bicol
4.PAARI- mga salitang paari na tumuturing sa pangngalan.
Halimbawa: Mababait ang mga kapitbahay nila.

Cherissa Omega
Cherissa Abay - Omega : Ang awtor ng post. Siya'y nakapagtapos ng pag-aaral sa University of San Jose-Recoletos sa kursong Bachelor of Secondary Education - Filipino, at nakakuha na ng 39 na masteral units ng Filipino sa Cebu Normal University. Siya ay may walong taong (8) karanasan sa pagtuturo ng asignaturang Filipino sa pribadong paaralan gaya ng The Sisters of Mary School-Girlstown, Asian College of Technology, University of San Carlos, Sacred Heart School - Ateneo de Cebu; at tatlong taong pagtuturo sa pampublikong paaralan tulad ng Mandaue City Comprehensive National High School, Cabancalan National High School at sa kasalukuyang Canduman National High School sa siyudad ng Mandaue, Lungsod ng Cebu. Siya’y nakadalo na ng maraming seminar ukol sa asignaturang Filipino at naniniwala na ang teknolohiya ay may napakalaking tulong sa paglinang ng kaalaman at karanasan sa ating pambansang wika.


Website - Asignaturang Filipino - Wika at Panitikan